परळीत शरदचंद्र पवार यांनी राजेभाऊ फड यांना लिहिले पत्र...

आपले कष्ट आणि निष्ठा निरर्थक जाणार नाही

परळी वैजनाथ प्रतिनिधी

राष्ट्रवादी काँग्रेस शरदचंद्र पवार पक्षाचे सर्वेसर्वा शरदचंद्र पवार यांनी युवक नेते राजेभाऊ फड यांना पत्र पाठवून आपल्या भावना कळवल्या आहेत. परळी विधानसभा मतदारसंघात आपण घेतलेली मेहनत आणि कष्टाला निरर्थक जाऊ देणार नाही. तुम्ही केलेल्या कामाची पक्षाने नोंद घेतली असून आपल्याला भविष्यात योग्य न्याय दिला जाईल असा शब्द त्यांनी युवक नेते राजेभाऊ फड यांना दिला आहे 

राष्ट्रवादी काँग्रेस शरदचंद्र पवार पक्षाचे सर्वेसर्वा शरदचंद्र पवार यांनी युवक नेते राजेभाऊ फड यांना नुकतेच पत्र लिहिले आहे. या पत्रात त्यांनी राजेभाऊ फड यांचे कौतुक केले असून, पक्षाचे मतविभाजन होऊ नये यासाठी त्यांनी घेतलेली माघार अभिनंदनीय असल्याचे म्हटले आहे. इच्छुक उमेदवार संख्या जास्त असल्याने त्यातून उमेदवार देत असताना मानाची घालमेल होत असून, आपण पक्षासाठी केलेलं काम आणि पक्षाप्रती असलेली निष्ठा निरर्थक जाऊ देणार नसल्याचा शब्द त्यांनी दिला आहे. यात त्यांनी पुढे म्हटले आहे की, राष्ट्रवादी काँग्रेस पक्ष हा आपल्यासारख्या कार्यकर्त्यांच्या बळावर मोठा झालेला पक्ष आहे. जनकल्यानाचे ध्येय पूर्ण करण्यासाठी सर्वांनी एकजुटीने कामाला लागायचे असून आपल्या कामाची आणि आपल्या पक्षाप्रती असलेल्या निष्ठेची आम्ही नोंद घेतली असल्याचेही शरदचंद्र पवार यांनी लिहिलेल्या पत्रात म्हटले आहे.