प्रत्येक महिला दुर्गा झाली पाहिजे, महिलांनी मोबाईल पासून दूर राहावे असे प्रतिपादन डॉ संतोष मुंडे

• परळी वैजनाथ दि. ०७ (प्रतिनिधी) महिलांनी मोबाईल पासून दूर राहावे, मोबाईलचा अति वापर करू नये, समाजातील प्रत्येक महिला दुर्गा झाली पाहिजे असे प्रतिपादन डॉ संतोष मुंडे यांनी केले. ते तेली समाजाच्या वतीने आयोजित करण्यात आलेल्या दांडिया महोत्सवात बोलत होते. येथील वैद्यनाथ मंदिराच्या पायथ्याशी असलेल्या श्री शनी मंदिरात तेली समाजाच्या वतीने तेली समाज सार्वजनिक दांडिया महोत्सवाचे आयोजन करण्यात आले आहे. या दांडियाच्या तिसऱ्या दिवशी दिव्यांग मंत्रालयाचे उपाध्यक्ष डॉ संतोष मुंडे यांच्या हस्ते देवीची आरती करण्यात आली. यावेळी दांडिया मध्ये महिलांच्या कलागुणांना वाव मिळावा यासाठी आनंद नगरी स्पर्धेचे आयोजन करण्यात आले. या स्पर्धेचे परिक्षण लक्ष्मीबाई देशमुख महिला महाविद्यालयातील गृहशास्त्र विभाग प्रमुख प्रा डॉ रागिणी पाध्ये मँडम यांनी केले. आनंद नगरी स्पर्धेत महिलांनी मोठ्या प्रमाणात सहभाग नोंदवला. यावेळी पुढे बोलताना डॉ संतोष मुंडे म्हणाले की, महिलांनी सक्षम झाले पाहिजे, दांडिया महोत्सवात दांडिया बरोबरच प्रत्येक महिलांनी आपल्या कलागुणांना वाव दिला पाहिजे, आजच्या काळात प्रत्येक महिलेने दुर्गा बनले पाहिजे. तर प्रा डॉ पाध्ये यांनी सांगितले की, महिलांनी आपल्या आहाराकडे लक्ष दिले पाहिजे, आहाराकडे दुर्लक्ष करता कामा नये. या कार्यक्रमास महाराष्ट्र प्रांतीक तैलिक महासभेचे जिल्हाध्यक्ष संगमेश्वर फुटके, चंद्रशेखर फुटके, विलास सालमोठे, अशोक बेंडे, सुर्यकांत चौधरी, तेली समाज दांडिया उत्सव समितीचे अध्यक्ष युवक नेते पवन फुटके, सोमनाथ वाघमारे, अशोक रोकडे, योगेश व्यवहारे, राजकुमार भाग्यवंत, सचिन लासे, सतिष फुटके, ईश्वर राऊत, मल्लिकार्जुन साखरे, रवी अन्नपुर्णे, शंकर कौले, ईश्वर जठार, प्रकाश नकाते,प्रसाद जठार उपस्थित होते.
. -