परळीत पवनराजे अर्बन निधीच्या अर्थपेढीचे अध्यक्षाची आत्महत्या ?

आपला ई पेपर परळी प्रतिनिधी

परळी शहरातील पवनराजे अर्बन निधी या अर्थपेढीचे अध्यक्ष प्रल्हाद सावंत यांनी आत्महत्या केल्याची प्राथमिक माहिती समोर येत आहे. ही घटना मंगळवार सायंकाळी सात वाजता उघडकीस आली आहे. 

सध्याच्या परिस्थितीत पतसंस्था, पतपेढ्या यांच्या आर्थिक अडचणीच्या घटनांमध्ये वाढ झालेली आहे. बीड जिल्ह्यात काही पतसंस्था बाबत प्रश्न उपस्थित होत आहेत. यातच आता परळी शहरातील मोठी आर्थिक उलाढाल असलेल्या पवन राजे अर्बन निधीचे अध्यक्ष प्रल्हाद सावंत यांनी गळफास घेऊन आत्महत्या केल्याची प्राथमिक माहिती मिळाली आहे. ही घटना प्रेम प्रज्ञा नगर येथील एका अपॉर्टमेंट मध्ये घडली आहे .

प्रल्हाद सावंत यांनी काही दिवसापूर्वीच प्रेम प्रज्ञा नगर येथे घर खरेदी केले होते. या घरात ते राहयलाही गेले नव्हते. याच घरात आज दोरीने गळफास घेऊन त्यांनी आत्महत्या केल्याची माहिती समोर आली आहे. या घटनेने परळी शहरात खळबळ उडाली आहे. दरम्यान आत्महत्येचे कारण अद्याप स्पष्ट झालेले नाही. 

पोलिसांनी घटनास्थळी पंचनामा केला असून त्यांच्या खिशात कागदपत्रे सापडले आहेत. यातून आत्महत्येचे कारण पुढे येण्याची शक्यता आहे. उत्तरीय तपासणीसाठी उपजिल्हा रुग्णालयात मृतदेह ठेवण्यात आला आहे.

सदरील घटना बाबत गुन्हा नोंद करण्याची प्रक्रिया सुरू असून याबाबत पोलीस तपास सुरू आहे.