परळीत खळबळजनक घटना ! निवडणुकीच्या तोंडावर गावठी बनावटीचे पिस्तुल आणि तीन जिवंत काडतुसे जप्त

 परळी// शहरातल्या कृष्णा नगर भागातुन एका युवकाकडून गावठी बनावटीचे पिस्तुल आणि तीन जिवंत काडतुसे जप्त करण्यात आले.  निवडणुकीच्या तोंडावर या घटनेने एकच खळबळ उडाली आहे  .
संभाजीनगर पोलीस ठाण्याने मोठी कारवाई करत  पोलीस निरीक्षक बाळासाहेब पवार यांच्या मार्गदर्शनाखाली पो. ना. सचिन सानप बाबासाहेब, विलास देशमुख आचार्य यांनी ही कारवाई केली.
दुपारी 4 च्या सुमारास भेटलेल्या गुप्त माहितीच्या आधारे कृष्णा नगर भागातील एका 20 वर्षीय युवकाला स्टीलच्या गावठी पिस्तुल (4 m.m.) आणि तीन जिवंत काडतुसासह ताब्यात घेण्यात आले.त्याच्यावर गु. र.नं.87/19 कलम 3/25 arms act आणि 135 म.पो.का.प्रमाणे संभाजीनगर पोलीस ठाण्यात गुन्हा दाखल करण्यात आला आहे. या घटनेने परिसरात एकच खळबळ उडाली. या घटनेचा पुढील तपास पोलीस उपनिरीक्षक ए.आर.माने मॅडम करत आहेत.