बर्न (स्वित्झर्लंड): गरिबांचे मसिहा म्हणून ओळखले जाणारे संयुक्त राष्ट्र संघाचे माजी सरचिटणीस आणि नोबेल पुरस्कार विजेते कोफी अन्नान यांचं आज वयाच्या ८० व्या वर्षी निधन झालं.
८ एप्रिल १९३८ रोजी त्यांचा घाना या देशात त्यांचा जन्म झाला होता. संयुक्त राष्ट्र संघाच्या सरचिटणीसपदाची धुरा सांभाळणारे ते आफ्रिकन वंशाचे पहिले नागरिक होते. १९९७ आणि २००६ मध्ये सलग दोन वेळा त्यांनी संयुक्त राष्ट्र संघाचं सरचिटणीसपद भूषवलं होतं. जागतिक शांतता आणि गरिबी हटाव ही त्यांच्या आयुष्याची ध्येय होती आणि त्यासाठीच ते कायम झटले. युद्धात होरपळलेल्या जनतेचं पुनर्वसन करण्याचं कामही त्यांनी केलं होतं. या योगदानासाठीच २००१ मध्ये त्यांना शांततेचं नोबेल प्रदान करण्यात आलं होतं.
Social Plugin