बीड,बिहार.. थेट पाकिस्तानशी कनेक्शन |12 कोटी रुपयांच्या बँक व्यवहार उघड
व्हायरल पोस्ट परळीकराच्या सर्वात जास्त वायरल
https://aplaepaper.blogspot.com/2022/09/blog-post_92.html
बीड येथील झमझम कॉलनीत राहणारे मोहम्मद अब्दुल रहीम यांना कोना बनेगा करोडपतीची लिंक पाठवून त्यांच्या खात्यातून २९ लाख २३ हजार रुपये काढण्यात आले.या प्रकरणाचा तपास केल्यानंतर पोलिसांनी नेहल जमाल अख्तर आणि जुबेर अब्दुल हकीम या दोन आरोपींना अटक केली आहे.
ही बाब लक्षात आल्यानंतर त्यांनी 3 मार्च 2022 रोजी शहर पोलिस स्टेशन, बीड येथे सायबर स्कॅमरकडून आपली फसवणूक झाल्याची तक्रार दाखल केली.
त्यानंतर या प्रकरणाचा तपास शहर पोलिस ठाण्यातून बीडच्या सायबर सेलकडे सोपवण्यात आला.या प्रकरणाचा तपास सुरू असताना ऑनलाइन फसवणूक करणारे हे बिहारमधील असल्याची माहिती तांत्रिक तपासातून पोलिसांना मिळाली आणि बीडच्या सायबरच्या काही पोलिस अधिकाऱ्यांनी या प्रकरणाचा तपास केला. त्यांचा शोध घेण्यासाठी विभाग बिहारला गेला. बिहारमध्ये आठ दिवस या प्रकरणाचा तपास केल्यानंतर पोलिसांनी नेहल जमाल अख्तर आणि जुबेर अब्दुल हकीम या दोन आरोपींना अटक केली. आरोपींकडे चौकशी केली असता, ऑनलाइन फसवणूक करून मिळवलेली रक्कम सौदी अरेबियासह पाकिस्तान,अमेरिका आणि दुबईला थेट पाठवली जात असल्याची धक्कादायक माहिती समोर आली.
यामध्ये 12 कोटी रुपयांच्या बँक व्यवहारांचा तपशीलही पोलिसांच्या हाती लागला आहे, विशेष म्हणजे फसवणूक करून मिळवलेली ही रक्कम मालाच्या रूपात पाकिस्तानात जात होती. भारतातून निर्यात होणारा माल त्याच्या बदल्यात व्यापाऱ्यांना दिल्याचे पोलिसांना कळू नये म्हणून आरोपींनी वेगवेगळ्या युक्त्या वापरल्या.
बीड पोलिसांच्या सायबर सेलच्या अधिकाऱ्यांनी बिहारमध्ये जाऊन या प्रकरणाचा छडा लावला आहे. बीडनंतर बिहारचे थेट पाकिस्तानशी कनेक्शन उघड झाले असून,पोलिस वेगवेगळ्या माध्यमातून तपास करत आहेत. ही रक्कम सायबर फसवणूक किंवा अन्य कारणांसाठी वापरली गेली का याचाही तपास पोलीस करत आहेत.
हेही बातमी ..मराठी सिनेतारकांच्या एकापेक्षा एक कलाकृतींनी बहरला सांस्कृतिक कार्यक्रम*
.jpg)
0 टिप्पण्या