अपघातामध्ये पांडुरंग पांडे यांचा भाऊ ब्रम्हानंद दासराव पांडे (वय-४२) आणि पुतण्या प्रतिक ब्रम्हानंद पांडे (वय-१६) हे दोघे जखमी झाले आहेत. जखमींवर खासगी रुग्णालयात उपचार सुरु आहेत.
मिळालेल्या माहितीनुसार, पांडे कुटुंबीय पुणे येथे खासगी कार्यक्रमासाठी कारमधून जात होते. पाटोदा तालुक्यातील अंमळनेर नजीक दौलतवाडी येथे अचानक कार मुख्य रस्त्याच्या खाली कार पलटी होऊन ती रस्त्याच्या कडेला असलेल्या खड्ड्यात जाऊन पडली. यामध्ये पांडे दांपत्याचा मृत्यू झाला. ज्यावेळी अपघात झाला त्यावेळी श्रेयस पांडे (वय-२४) हा कार चालवत होता.
मयत पांडुरंग पांडे हे नांदेड येथील सार्वजनिक बांधकाम विभागातून तीन महिन्यांपूर्वी सेवानिवृत्त झाले होते. अपघाताची माहिती मिळताच घटनास्थळी सहायक पोलीस निरीक्षक विशाखा धुळे, जमादार फुलेवाड, गुंडाळे, आघाव, संतोष काकडे, शिणगारे, सानप आदींनी धाव घेतली.
Social Plugin